Сайловдан сўнг, АҚШ-Россия муносабатларининг яхшиланиши нолга тенг – сиёсатшунос

Олам 3220
image

Вашингтоннинг Москвага нисбатан сиёсати АҚШдаги Президент сайловларидан кейин ҳам ўзгаришсиз қолади ва икки томонлама алоқаларни яхшилаш имконияти "деярли нолга тенг". Бундай фикрни Сиракуза университети (Нью-Йорк) сиёсатшуноси Брайан Тейлор билдириб ўтди.

"Мен Президентлик сайловларидан сўнг, АҚШ-Россия муносабатларида жиддий ўзгаришлар бўлишини кутмаяпман. Қўшма Штатларнинг амалдаги Президенти Дональд Трампнинг Оқ уйда бўлган 4 йил давомида қилган барча баёнотларига қарамай, ушбу муносабатларда жуда оз нарса ўзгарди. Қурол назорати каби соҳаларда муносабатлар ёмонлашди. Жозеф Байден сайловда ғолиб чиқса, у Россия билан муносабатларнинг яхшиланишини кўп ҳолларда кутмаслигини аллақачон билдирган. Фақат Байден бошчилигидаги қуролларни назорат қилиш соҳасида, айниқса, стратегик ҳужум қуролларини янада камайтириш ва чеклаш чора-тадбирлари тўғрисидаги шартноманинг амал қилиш муддатини узайтириш масаласида ижобий томонга ўзгартиришлар бўлиши мумкин”, деди у.

Сиёсатшунос Украинадаги вазиятга тўхталиб ўтар экан, "АҚШда ушбу можаро учун жавобгарлик, биринчи навбатда, Россияда эканлиги тўғрисида икки томонлама консенсус мавжуд"лигини таъкидлаб ўтган.

Унинг фикрига кўра, Россия сиёсатининг ўзгариши АҚШ-Россия муносабатларидаги катта ўзгаришлар учун рағбат пайдо бўлиши учун зарурдир. "Дипломатик усуллар билан қандай мақсадларга эришиш мумкинлиги ҳақидаги нуансларда баъзи фарқлар бўлиши мумкин, аммо Россия сиёсатини ўзгартирмаса, муносабатларни яхшилаш имконияти деярли нолга тенг", дейди у.

Эслатиб ўтамиз, АҚШда Президентлик сайловлари эртага, 3 ноябрь куни бўлиб ўтади.
 

Сарвар Анвар ўғли
Мақолага баҳо беринг
Баҳолаганлар: 82
Рейтинг: 2.8
Теглар
t
×