Саудия юлдузларни чорлайди. Навбат “Вулверхемптон” аъзосига келди.
Спорт
−
19 Июнь 2023 3626
Саудия Арабистонининг “Ал-Ҳилол” клуби португалиялик ярим ҳимоячи Рубен Невешни ўз сафига қўшиб олди. Бу ҳақда футбол инсайдери Фабрицио Романо ўз Twitter саҳифасида маълум қилди.
26 ёшли футболчи май ойида “Барселона” билан шахсий шартларни келишиб олганди. Бироқ каталонияликлар футболчи бўйича расмий таклиф билан чиқмаган. Невеш эса узоқ кутишни хоҳламади ва Саудия клуби билан 2026 йилга қадар шартнома имзолади.
Футболчи трансфери учун “Вулверхемптон”га 55 миллион евро тўланган.
Эслатиб ўтамиз, бугун, 19 июнь куни “Челси” аъзоси Нголо Канте ҳам Саудия клуби аъзосига айлангани хабар қилинди. Франциялик футболчи “Ал-Иттиҳод” билан 4 йиллик шартнома борасида келишувга эришди.
Live
БарчасиБухорода Ғиждувон деҳқон бозори ёнмоқда.
14 Декабрь
