Саудия делегацияси 48 соат ичида Месси трансферини ҳал қилмоқчи
Спорт
−
05 Июнь 2023 5869
Саудия Арабистони делегацияси аргентиналик ҳужумчи Лионель Месси билан шартнома имзолашни якунлаш учун Парижга етиб келди. Бу ҳақда футбол журналисти Маттео Моретто ўз Twitter саҳифасида маълум қилди.
Айни вақтда Саудия Арабистони делегацияси Парижда бўлиб турибди. Делегация яқин 48 соат ичида Месси билан шартнома имзолаш масаласини ҳал қилишга умид қилмоқда.
Саудия клубларидан ташқари АҚШнинг “Интер Майами” клуби ҳам аргентиналик футболчини ўз сафига қўшиб олиш бўйича расмий таклиф билан чиққанди. Шунингдек, Месси фаолиятини давом эттириши учун мумкин бўлган вариантлари орасида “Барселона” ҳам бор.
Эслатиб ўтамиз, аввалроқ Месси 2021 йилдан буён ўйнаб келаётган ПСЖни тарк этгани маълум бўлганди. Якунланган мавсумда у барча мусобақаларда 41 та ўйинда қатнашиб, 21 та гол урди ва 20 та голли узатмани амалга оширди.
Live
Барчаси07 Ноябрь 2023
07 Ноябрь 2023
07 Ноябрь 2023
07 Ноябрь 2023
