Самарқандда Россиянинг Бош консуллиги очилади
Жамият
−
07 Октябрь 2023 3863
Владимир Путин ва Шавкат Мирзиёевнинг Кремлда бўлиб ўтган музокаралари якунлари бўйича Россия ва Ўзбекистон ўртасида ҳамкорлик масалаларида 11 та ҳужжат имзоланди.
Хусусан, давлат раҳбарлари ҳар томонлама стратегик шериклик ва иттифоқчилик муносабатларини чуқурлаштириш тўғрисида Қўшма баёнот қабул қилишди. Шунингдек, Россия ва Ўзбекистон ташқи ишлар вазирликлари ўртасида 2024-2025 йилларга мўлжалланган ҳамкорлик дастури тасдиқланди.
“Икки давлат ҳукуматлари ўртасида Россия Федерациясининг Самарқанд шаҳрида Бош консуллигини ташкил этиш тўғрисида келишув имзоланди”, дейилади ТАСС хабарида.
Бундан ташқари, фан ва олий таълим вазирликлари, божхона бошқармалари, темир йўл ва бошқа бир қатор тузилмалар ўртасидаги алоқаларни ривожлантиришга доир ҳужжатлар қабул қилинди.
Live
Барчаси
