Самарқандда икки қаватли савдо мажмуаси ёниб кетди

3-саҳифа

−

12 Май 2022 visibility6539

Бугун, 12 май куни тунда Самарқанд вилоятининг Қўшработ туманидаги савдо мажмуаси ёниб кетди. Бу ҳақда Фавқулодда вазиятлар вазирлиги Матбуот хизмати хабар берди.

Хабарга кўра, тунги соат 00:33 да Қўшработ тумани “Намуна” МФЙда жойлашган "Энтрогроплюс" МЧЖга қарашли икки қаватли савдо мажмуасида ёнғин содир бўлаётгани тўғрисида туман фавқулодда вазиятлар бўлимига хабар келиб тушган.

Воқеа жойига 7 та ёнғин-қутқарув экипажлари жалб этилган. Улар ёнғин жойига соат 00:42 да етиб борган ва соат 03:52 да ёнғин тўлиқ бартараф этилган.

Ёнғин натижасида савдо мажмуасининг тахминан 250 кв.м майдонда шифт, том қисми, биринчи қаватда озиқ-овқат маҳсулотлари, маиший техникалари ва бошқа турдаги жиҳозлар ёниб зарарланган.

Ҳодиса оқибатида ҳалок бўлган ва жабрланганлар йўқ. Ҳозирда ёнғиннинг келиб чиқиш сабаби ва келтирилган моддий зарар миқдори аниқланмоқда.

Мақола муаллифи