Samarqandda ikki qavatli savdo majmuasi yonib ketdi

3-sahifa

image

Bugun, 12 may kuni tunda Samarqand viloyatining Qo‘shrabot tumanidagi savdo majmuasi yonib ketdi. Bu haqda Favqulodda vaziyatlar vazirligi Matbuot xizmati xabar berdi. 

Xabarga ko‘ra, tungi soat 00:33 da Qo‘shrabot tumani “Namuna” MFYda joylashgan "Entrogroplyus" MCHJga qarashli ikki qavatli savdo majmuasida yong‘in sodir bo‘layotgani to‘g‘risida tuman favqulodda vaziyatlar bo‘limiga xabar kelib tushgan.
 
Voqea joyiga 7 ta yong‘in-qutqaruv ekipajlari jalb etilgan. Ular yong‘in joyiga soat 00:42 da yetib borgan va soat 03:52 da yong‘in to‘liq bartaraf etilgan.

Yong‘in natijasida savdo majmuasining taxminan 250 kv.m maydonda shift, tom qismi, birinchi qavatda oziq-ovqat mahsulotlari, maishiy texnikalari va boshqa turdagi jihozlar yonib zararlangan.

Hodisa oqibatida halok bo‘lgan va jabrlanganlar yo‘q. Hozirda yong‘inning kelib chiqish sababi va keltirilgan moddiy zarar miqdori aniqlanmoqda.


Maqola muallifi

Teglar

yong'in

Baholaganlar

185

Reyting

3

Maqolaga baho bering

Doʻstlaringiz bilan ulashing