Самарқандда 17 ёшли қизнинг жасади топилгани бўйича жиноий иш очилди
3-саҳифа
−
27 Май 2021 12888
Жорий йилнинг 11 май куни Самарқанд вилоятининг Пастдарғом туманида 17 ёшли қизнинг жасади каналдан топилгани ҳақида хабар берган эдик.
Бугун, 27 май куни ушбу ҳолат юзасидан жиноят иши қўзғатилди. Бу ҳақда Ўзбекистон Республикаси Бош прокурорининг Матбуот хизмати хабар берди.
Маълум қилинишича, Самарқанд вилояти, Пастдарғом туманидан оқиб ўтувчи каналдан 17 ёшли қизнинг жасади топилгани ҳолати юзасидан Жиноят кодексининг 103-1-моддаси (Ўзини ўзи ўлдиришга ундаш) билан жиноят иши қўзғатилган.
Хабарга кўра, ушбу иш тергов олиб бориш учун Пастдарғом тумани Ички ишлар бошқармаси Тергов бўлимига юборилган.
