Саломга яраша алик! Россия ЕИга қарши санкцияларини янгилади
Олам
−
23 Февраль 17014
Россия Европа Иттифоқининг 13-санкция пакетига жавобан мамлакатга кириши тақиқланган фуқароларнинг қора рўйхатини кенгайтирди. Бу ҳақда ТАСС хабар берди.
Қайд этилишича, Россиянинг жавоб санкцияси таркибига Киевга ҳарбий ёрдам кўрсатишга масъул бўлган жамият вакиллари, шунингдек, россиялик амалдорларни таъқиб қилишда иштирок этган ва Россия давлат мулкини мусодара қилишни тарғиб қилган шахслар киритилган.
“Гап Европа Иттифоқи мамлакатлари ҳуқуқ-тартибот идоралари ва тижорат ташкилотлари вакиллари, Киевдаги "неонацист"лар тузумига ҳарбий ёрдам кўрсатишга масъул бўлган Европа Иттифоқига аъзо мамлакатлар фуқаролари, Россия расмийларини "ноҳақ" жиноий жавобгарликка тортишда иштирок этган Европа тузилмалари мансабдорлари ҳақида бормоқда”, дея таъкидлайди Россия ТИВ.
Бундан ташқари, “стоп рўйхати”га Россияга қарши тизимли равишда тажовузкор баёнотлар бериб келаётган Европа Кенгаши иштирокчилари, Европа Иттифоқи мамлакатлари қонун чиқарувчи ассамблея ҳамда ЕХҲТ аъзолари ҳам бор, дейилади баёнотда.
Шунингдек, Россия Ташқи ишлар вазирлиги Европа Иттифоқи чеклов орқали Россияга босим ўтказиш бўйича самарасиз уринаётгани ва бундай ҳаракатлар БМТ Хавфсизлик Кенгашининг халқаро ҳуқуқий имтиёзларига путур етказишини эслатган.
Эслатиб ўтамиз, аввалроқ Европа Иттифоқи Россияга қарши 13-санкция пакетини маъқуллаган, унинг доирасида Хитой, Шри-Ланка, Сербия, Қозоғистон, Таиланд ва Туркия каби давлатлардан бўлган 106 жисмоний ва 88 юридик шахсга нисбатан чеклов чоралари киритилган эди.
Сарвар Хуррамов
Live
Барчаси
