Салоҳ фаолиятини Францияда давом эттирмоқчи

Спорт

−

02 Декабрь 2024 visibility4954 timer1 дақиқа

“Ливерпуль” ҳужумчиси Муҳаммад Салоҳ Франциянинг ПСЖ клуби билан музокарага киришди. Бу ҳақда “TalkSPORT” хабар берди.

Манбага кўра, ПСЖ президенти Носир Ал-Хелайфи Салоҳни келаси ёзда эркин агент сифатида Парижга жалб этишга умид қилмоқда. Салоҳ ва “Ливерпуль” узоқ вақтдан бери музокаралар олиб борган ва футболчи Лига 1 да ўйнаш ғоясига очиқ.

Салоҳнинг шартнома ҳолатини ҳисобга олсак, Миср терма жамоасининг 32 ёшли футболчиси 1 январдан бошлаб ПСЖ билан дастлабки келишувга эриша олади.

Бир кун аввал “Манчестер Сити” устидан қозонилган 0:2 ҳисобидаги ғалабадан сўнг Салоҳ тугатаётган шартномаси уни таъқиб қилаётганини тан олди.

Маълумот учун, Салоҳ Англия Премьер-лигасининг жорий мавсумида 13 та ўйинда 11 та гол уриб, 7 та голли узатмани амалга оширган. Ҳужумчининг трансфер қиймати 55 миллион еврони ташкил этади.

Мақола муаллифи