Prezident Administratsiyasi rahbarining o‘rinbosari yangi lavozimga tayinlandi

Temur Nuryigitovich Butunbayev O‘zbekiston Respublikasi Prezidenti Administratsiyasi rahbarining suv islohotlari bo‘yicha o‘rinbosari – Huquqiy ekspertiza departamenti boshlig‘i lavozimiga tayinlandi. Bu haqda Prezident Shavkat Mirziyoyevning tegishli farmoni imzolandi.

Ma’lum qilinishicha, Temur Butunboyev yangi lavozimga o‘tishi munosabati bilan hozirda faoliyat yuritib kelayotgan O‘zbekiston Prezidenti Administratsiyasi rahbarining suv ta’minoti tizimini isloh qilish bo‘yicha o‘rinbosari lavozimidan ozod etilgan.

Ma’lumot uchun, Temur Butunbayev suv xo‘jaligi va suv resurslarini boshqarish sohasida bir qancha yo‘nalishlarda rahbarlik lavozimlarida ishlab kelgan. 

2025 yil 14 iyuldagi prezident farmoni bilan Temur Butunbayev Prezident Administratsiyasi rahbarining suv ta’minoti tizimini isloh qilish bo‘yicha o‘rinbosari etib tayinlangan. Shu munosabat bilan u suv xo‘jaligi vazirining birinchi o‘rinbosari lavozimidan ozod etilgan.

Butunbayev mazkur lavozimlarda suv xo‘jaligini modernizatsiya qilish, suv yo‘qotishlarini kamaytirish, davlat-xususiy sheriklik va suv tejovchi texnologiyalarni joriy etish, sohani raqamlashtirish kabi yo‘nalishlardagi islohotlarda ishtirok etgan.

2026 yil iyulida u Nyu-Yorkda o‘tkazilgan BMTning Barqaror rivojlanish maqsadlari bo‘yicha yuqori darajadagi siyosiy forumida O‘zbekiston delegatsiyasi tarkibida ishtirok etib, mamlakatning suv sohasidagi islohotlari va suv diplomatiyasi bo‘yicha tajribasini taqdim etgan. Shuningdek, BMT Taraqqiyot dasturi rahbariyati bilan suv xavfsizligi va iqlimga barqarorlik masalalarini muhokama qilgan.

Endilikda Timur Butunbayev Prezident administratsiyasi rahbarining suv islohotlari bo‘yicha o‘rinbosari lavozimi bilan birga Huquqiy ekspertiza departamenti boshlig‘i vazifasini ham bajaradi.