Саида Мирзиёева UNEP ва GEF раҳбарияти билан учрашди

Бугун, 4 июнь куни Ўзбекистон Президенти Администрацияси раҳбари Саида Мирзиёева Самарқандда ўтаётган Глобал экологик жамғарманинг 8-Ассамблеяси доирасида БМТ Бош котиби ўринбосари – UNEP ижрочи директори Ингер Андерсен ҳамда Глобал экологик жамғарма бош ижрочи директори Клод Гаскон билан учрашув ўтказди. Бу ҳақда Саида Мирзиёева ўзининг Telegram-каналида маълум қилди.

Унинг билдиришича, мулоқот чоғида минтақа учун ғоят муҳим бўлган масалалар: чўлланиш ва ерлар деградациясига қарши курашиш, ҳаво сифати мониторинги, биологик хилма- асраш ҳамда ресурслардан оқилона фойдаланиш мавзулари муҳокама қилинган.

“UNEP ва GEF раҳбариятига мамлакатимиздаги “яшил” ислоҳотларни қўллаб-қувватлаётгани ҳамда амалий экологик ечимларни илгари суришга қўшаётган ҳиссалари учун чуқур миннатдорлик билдириб, жамғарманинг Самарқанддаги тарихий Ассамблеяси муваффақиятли ўтгани муносабати билан табриклайман”, дейди Ўзбекистон Президенти Администрацияси раҳбари.

Эслатиб ўтамиз, аввалроқ Саида Мирзиёева МАГАТЭ бош директори Рафаэль Гросси билан учрашган эди.