Рўзибоевнинг дебют жанги бекор қилинди
Спорт
−
15 Февраль 4636
Уч кун олдин, яъни 12 февраль куни UFC жангчисига айланган Машрабжон Рўзибоевнинг 16 февраль тонгидаги турнир кардида Жаред Гордонга қарши жанги бекор қилинди. Бу ҳақда промоушен матбуот хизмати хабар берди.
Манбага кўра, тўқнашувга 4 кун қолганида жанг қабул қилиб олган Машрабжон Рўзибоев вазн меъёрини бажара олмагани сабаб октагонга чиқмаслиги маълум бўлган.
Маълумот ўрнида, Машрабжон Рўзибоев ўзбекистонлик UFC жангчиси Нурсултон Рўзибоевнинг укаси ҳисобланади. 28 ёшли Машрабжон профессионал фаолияти давомида 25 та жанг ўтказиб, 20 ғалаба ва 4 мағлубият қайд этган, бир жанги натижаси эса бекор қилинган.
Эслатиб ўтамиз, кеча, 14 февраль куни Машрабжон Рўзибоевнинг акаси Нурсултон Рўзибоевнинг навбатдаги жанги ва санаси ҳақида хабар берилган эди.
Live
Барчаси
