Россиянинг Ўзбекистондаги элчиси фаолиятини якунлади
Жамият
−
12 Июнь 6840
Россиянинг Ўзбекистондаги Фавқулодда ва мухтор элчиси Олег Мальгинов ўз фаолиятини якунлади. Бу ҳақда Ўзбекистон Ташқи ишлар вазири Бахтиёр Саидов хабар берди.
Ўзбекистон ТИВ раҳбарининг ёзишича, бугун, 12 июнь куни вазирлик биносида Олег Мальгинов билан учрашув бўлиб ўтган.
Учрашувнинг асосий мавзуси Ўзбекистон-Россия иттифоқчилик ва стратегик шериклигини янада ривожлантириш масалаларига бағишланган.
“Биз алоқаларни чуқурлаштириш ва мамлакатларимиз учун манфаатли қўшма ташаббусларни қўллаб-қувватлашга интилишимизни яна бир бор тасдиқладик. Жаноб элчининг келгуси фаолиятида муваффақиятлар тилаймиз”, деган Саидов.
Эслатиб ўтамиз, жорий йилнинг 2 май куни Ўзбекистон Ташқи ишлар вазири ўринбосари Бобур Усмонов Россиянинг Ўзбекистондаги Фавқулодда ва мухтор элчиси Олег Мальгинов билан учрашув ўтказганди. Музокаралар давомида Ўзбекистон томони Россия томонининг эътиборини Россияда Ўзбекистондан борган меҳнат муҳожирларининг ҳуқуқлари бузилиши ва уларга нисбатан қўпол муомала ҳолатлари ҳақидаги кўпайиб бораётган хабарларга қаратган.
