Россиянинг энг криминал ҳудудлари эълон қилинди
Олам
−
13 Апрель 2020 11441
Россия Ички ишлар вазирлиги мамлакатдаги энг криминал ҳудудлар номини эълон қилди. Унга кўра, Москвада 2020 йилнинг февраль ойида энг кўп ҳуқуқбузарлик содир этилган.
Пойтахтда мана шу давр ичида 24 мингта жиноий хатти-ҳаракат рўйхатга олинган. Иккинчи ўринда эса Москва вилояти қайд этилган. Бу ҳудудда 12 мингта қонунга зид иш қилинган.
Кейинги ўринларда Краснодар ўлкаси (12 000), Челябинск вилояти (10 200) ва Ростов вилояти (9 600) бормоқда.
Жиноий хатти-ҳаракатлар кам содир этилган ҳудудлар рўйхатига Ненц мухтор округи, Чукотка, Ингушетия, Магадан вилояти ва Қалмиқ Республикалари кирган. Ушбу ҳудадларда февраль ойида 500 дан ортиқ қонун бузилиш ҳолати қайд этилган.
