Россиядаги ўзбекистонликлар учун махсус поезд қатновлари йўлга қўйилди
Local
−
24 August 2021 8542 1 minute
Пандемия даврида Россияда қолиб кетган Ўзбекистон фуқароларини қайтариш мақсадида “Ўзбекистон темир йўллари” акциядорлик жамияти “Волжский-Тошкент” йўналишида 483-сонли йўловчи поездининг махсус рейси йўлга қўйилди.
Мазкур поезд жорий йилнинг 27 август куни соат 20:57 да “Волжский-Тошкент” йўналишида ҳаракатини амалга оширади.
30 август куни “Тольятти-Тошкент” йўналишида 446-сонли йўловчи поездининг махсус рейси йўлга қўйилади. Бу поезд Тольятти вокзалидан соат 12:35 да жўнайди.
Мазкур поездларга фақат бир томонга, яъни “Волжский-Тошкент” ҳамда “Тольятти-Тошкент” йўналишларига чипталар сотилади. Йўловчиларга чипта харид қилишда қулайлик яратиш мақсадида чипталарни электрон тарзда сотиш йўлга қўйилган.
Live
All
