Россияда ота-она қарамоғисиз қолган 15 бола Ўзбекистонга қайтарилди
Жамият
−
08:48969
Кеча, 15 декабрь куни Россияда ота-она қарамоғисиз қолган 15 нафар бола Ўзбекистонга қайтарилди. Бу ҳақда Ижтимоий ҳимоя миллий агентлиги хабар берди.
Қайд этилишича, анча олдин Ички ишлар вазирлиги ва Соғлиқни сақлаш вазирлиги билан ҳамкорликда Россиянинг 6 та ҳудудида жойлашган 10 нафар болани ватанга қайтариш бўйича ишларни бошланиб, ўрганишлар жараёнида яна 5 нафар бола ота-она қарамоғидан маҳрум бўлгани аниқланган. Уларнинг барчаси Ўзбекистонга қайтарилган.
Ўз оилаларига қайтарилишига қадар болаларнинг 10 нафари Вояга етмаганларга ижтимоий ҳуқуқий ёрдам кўрсатиш марказига, қолган 5 нафари эса вақтинчалик Тошкент шаҳридаги Болалар уйига жойлаштирилган.
Эслатиб ўтамиз, аввалроқ Россия Федерацияси Ички ишлар вазирлиги ходимлари кўмагида Новосибирск ва Москва шаҳарларидан халқаро келишувларга мувофиқ 3 нафар вояга етмаган Ўзбекистон фуқароси ортга қайтарилганди.
Live
Барчаси
