Россия Ўзбекистонга бензин экспортини чеклади
Жамият
−
23 Сентябрь 2023 12730
Россия ҳукумати бензин ва дизел ёнилғиси экспортига вақтинчалик чеклов жорий этди. Мамлакат Бош вазири Михаил Мишустин бу ҳақда тегишли қарорни имзолади.
“Қарор ички бозордаги ёнилғи нархларини барқарорлаштириш учун қабул қилинди”, дейилади Россия ҳукумати хабарида. Чекловлар айни пайтда кучга киради.
Шу билан бирга, вақтинчалик тақиқ қуйидаги ҳолларда етказиб беришга тааллуқли эмас:
- ЕОИИ мамлакатларига (Россиядан ташқари бу иттифоққа Арманистон, Беларусь, Қирғизистон ва Қозоғистон аъзо);
- Абхазия ва Жанубий Осетияга;
- ҳукуматлараро келишувлар доирасида;
- хорижий давлатлар ҳудудида бўлган Россия қўшинлари гуруҳлари фаолиятини таъминлаш мақсадида.
Россия Энергетика вазирлиги бу чеклов вақтинчалик чора эканини тушунтирган.
Акобир Сайидов
