Роналдунинг МЮга иккинчи келиши нега омадсиз чиқди?
Спорт
−
14 Сентябрь 2023 4745
“Манчестер Юнайтед” мураббийлар штабида ёрдамчи бўлиб ишлаган Майк Фелан “манкунианликлар” шарафини ҳимоя қилган Криштиану Роналдунинг жамоага иккинчи марта келиши нима сабабдан омадсиз чиққанига изоҳ берди.
Португалиялик футболчи 2021 йилнинг ёзида “Ювентус”дан “Олд Траффорд” клуби сафига қайтганди.
“Роналду “Манчестер Юнайтед”га келганида, ўзига анча ишонган эди. У олдингидан анча қайсар ва қатъиятли эди. Футболчи ўзи ва клуби олдига юқори талабларни қўйди. Роналдунинг ўзига хос менталитети эса муаммолар келтириб чиқарди. Роналдунинг бошқаларга қилган босими ҳеч қандай натижа бермагач, унинг ҳафсаласи пир бўлди”, дейди Фелан.
“Манчестер Юнайтед”ни тарк этгач, Роналду фаолиятини Саудия Арабистонига кўчирди. Ҳозирда футболчи Ар-Риёднинг “Ал-Наср” клубида тўп тепмоқда.
2021-2022 йилларда португалиялик форвард “қизил иблислар” сафида умумий 40 та ўйинда майдонга тушиб, 19 та гол уришни уддалади.
