Роналдунинг миллий чемпионатлардаги голлари сони 500 дан ошди
Спорт
−
10 Февраль 2023 5581
“Ал-Наср”нинг португалиялик ҳужумчиси Криштиану Роналду миллий чемпионатларда гол уриш бўйича беш юзлик довонни ошиб ўтди. Саудия Арабистони чемпионатининг 16-туридан ўрин олган “Ал-Ваҳда” билан ўйинда Роналду покер қайд этди.
Учрашувнинг 21-дақиқасида Роналду ҳисобни очди. Бу тўп унинг миллий чемпионатлардаги 500-голи бўлди. Ўйин давомида Криштиану рақиб дарвозасига яна учта гол уриб, чемпионатларда киритган голлари сонини 503 тага етказди.
Эслатиб ўтамиз, Роналду 2022 йилнинг декабрь ойи охирида “Ал-Наср”га ўтганди. Футболчининг клуб билан шартномаси 2025 йилгача мўлжалланган. Унинг трансфер нархи 20 миллион еврога баҳоланмоқда.
Саудия Арабистони чемпионатининг жорий мавсумида Роналду учта ўйинда қатнашиб, бешта гол урди.
Live
Барчаси
