Ronalduning milliy chempionatlardagi gollari soni 500 dan oshdi

Sport

−

10 fevral 2023 visibility8850 timer1 daqiqa

“Al-Nasr”ning portugaliyalik hujumchisi Krishtianu Ronaldu milliy chempionatlarda gol urish bo‘yicha besh yuzlik dovonni oshib o‘tdi. Saudiya Arabistoni chempionatining 16-turidan o‘rin olgan “Al-Vahda” bilan o‘yinda Ronaldu poker qayd etdi.

Uchrashuvning 21-daqiqasida Ronaldu hisobni ochdi. Bu to‘p uning milliy chempionatlardagi 500-goli bo‘ldi. O‘yin davomida Krishtianu raqib darvozasiga yana uchta gol urib, chempionatlarda kiritgan gollari sonini 503 taga yetkazdi.

Eslatib o‘tamiz, Ronaldu 2022 yilning dekabr oyi oxirida “Al-Nasr”ga o‘tgandi. Futbolchining klub bilan shartnomasi 2025 yilgacha mo‘ljallangan. Uning transfer narxi 20 million yevroga baholanmoqda.

Saudiya Arabistoni chempionatining joriy mavsumida Ronaldu uchta o‘yinda qatnashib, beshta gol urdi.

Maqola muallifi