Роналдуга Quinas de Platina соврини топширилди
Спорт
−
12 Ноябрь 4696
Кеча, 11 ноябрь куни “Ал-Наср”нинг португалиялик юлдузи Криштиану Роналду Португалия футбол федерацияси томонидан Quinas de Platina соврини билан тақдирланди.
Quinas de Platina – федерациянинг энг нуфузли мукофоти. Криштиану уни Португалия терма жамоасига қўшган ҳиссаси учун олди.
Маълумот учун, у миллий терма жамоа сафида 216 та ўйин ўтказиб, 133 та гол урган. Роналду Саудия Арабистони чемпионатига 2023 йил бошида кўчиб ўтганди. Ҳужумчи ва “Ал-Наср” ўртасидаги амалдаги шартнома 2025 йилнинг ёзига қадар мўлжалланган.
Эслатиб ўтамиз, аввалроқ Роналду қишки трансфер ойнасида бошқа клубга ўтиши мумкинлиги хабар қилинганди.
“Ал-Ҳилол” Неймар билан шартномани бекор қила олса, январь ойида Криштиануни олиб келишга ҳаракат қилади.
