Роналду 2010 йилдаги антирекордини такрорлади
Спорт
−
09 Февраль 2022 6548
“Манчестер Юнайтед”нинг португалиялик ҳужумчиси Криштиану Роналду 2010 йилдаги антирекордини такрорлади. Бу ҳақда “Sky Sports Statto” хабар бермоқда.
Футболчи ўзининг энг ёмон голсиз сериясини такрорлади. Кетма-кет бешта ўйинда Роналду рақиблар дарвозасини ишғол эта олмади. У охирги марта ўтган йилнинг 30 декабрида “Бёрнли”га қарши ўйинда гол урган.
Бундай голсиз серия охирги марта 2010 йилда содир бўлганди. Ўшанда футболчи “Реал”да ўйнаган ва майдан сентябргача бешта ўйинда ҳам гол ура олмаган.
9 февраль куни “Манчестер Юнайтед” Англия премер-лигасининг (АПЛ) 24-тури доирасида “Бернли”га қарши ўйинда майдонга тушди. Учрашув 1:1 ҳисобида якунланди. Португалиялик футболчи ўйинни захира ўриндиғида бошлади ва 68-дақиқада майдонга тушди.
Январь ойида “Манчестер Юнайтед” бош мураббийи Ральф Рангник АПЛ доирасида “Брентфорд”га қарши ўйинда Роналдуни алмаштирганидан сўнг, ранжигани хабар қилинган эди. Футболчи ўзига берилган курткани ерга ташлаган ва скамейка ёнидаги зинапояга ўтирганди.
