Рим папаси вафот этди

Бугун, 21 апрель куни Рим папаси Франциск 88 ёшида Ватикандаги қароргоҳида вафот этди. Бу ҳақда Муқаддас Тахт хабар берди.

“Азиз биродарлар ва опа-сингиллар, мен Муқаддас Отамиз Френциск вафот этганини чуқур қайғу билан эълон қилишим керак. Бугун эрталаб соат 7:35 да Рим эпископи Френциск Отанинг уйига қайтди”, деди кардинал Кевин Фаррелл Ватикан телеканалида. 

Бир кун олдин Рим папаси Пасха байрами муносабати билан диндорлар олдига келиб, Ватикандаги Авлиё Пётр собори балконидан хабар етказганди.

2025 йил февраль ойида Френциск икки марта пневмония билан шифохонага ётқизилган. 23 март куни понтифик шифохонадан чиқди ва апрель ойи бошида у биринчи марта Ватикандаги Авлиё Пётр майдонида омма олдига чиқди. Ногиронлар аравачасида ўтириб, диндорларга мурожаат қилиб, якшанба кунини хайрли ўтказишларини тилади. 

Шифокор Серхио Алфиери ўшанда 88 ёшли папанинг шифохонадан уйига қайтишини “мўъжиза” деб атаганди.

Маълумот учун, Франциск 2013 йил 13 мартда Рим папаси этиб сайланган эди.