Решфорд номаълум муддатга сафдан чиқди
Спорт
−
12 Апрель 2023 2847
Англиялик ҳужумчи Маркус Решфорд “Манчестер Юнайтед”нинг навбатдаги ўйинларини ўтказиб юборади. Бу ҳақда клуб расмий сайти хабар берди.
25 ёшли ҳужумчи 8 апрель куни “Эвертон”га қарши ўйинда (2:0) жароҳат олганди. Тиббий кўриклар натижасига кўра, футболчи кейинги ўйинларда қатнаша олмаслиги, лекин мавсум якунига қадар майдонга қайтиши маълум бўлди.
Эртага, 13 апрель куни “Манчестер Юнайтед” Европа лигаси чорак финалида “Севилья”га қарши баҳс олиб боради.
Жорий мавсумда Премьер-лиганинг 29 ўйинида Решфорд 15 гол урди ва 4 голга ассистентлик қилди. “Transfermarkt” портали унинг қийматини 80 миллион еврога баҳоламоқда.
