Рекорд! Бир кунда 750 га яқин бемор коронавирусдан соғайди

Жамият 8664
image

Бугун, 30 июль куни Ўзбекистонда коронавирус инфекциясидан даволанаётган беморлардан 743 нафари соғайди.  

Жумладан, 441 нафари Тошкент шаҳридаги 17 та шифохонада, 152 нафари Тошкент вилоятида, 48 нафари Сирдарё вилоятида, 33 нафари Андижон вилоятида, 16 нафари Сурхондарё вилоятида, 15 нафари Қашқадарё вилоятида, 13 нафари Фарғона вилоятида, яна 13 нафари Наманган вилоятида, 6 нафари Бухоро вилоятида ва яна 6 нафари Қорақалпоғистон Республикасида касалликдан фориғ бўлди.

Эслатиб ўтамиз, соғайганлар кўрсаткичи бўйича сўнгги рекорд натижа кеча, 29 июль куни қайд этилган бўлиб, ўшанда мамлакатимизнинг турли ҳудудларида 672 нафар бемор тузалганди.

Шундай қилиб, Ўзбекистонда 13 680 нафар коронавирус инфекциясига чалинган фуқаролар тузалиб, соғайиш кўрсаткичи 59 фоизни ташкил қилмоқда.

Суннатилла Абдуллаев
Мақолага баҳо беринг
Баҳолаганлар: 287
Рейтинг: 3
t
×