“Реал” “Ман Сити” билан ўйинлар бўйича бир нечта рекордларни расмийлаштирди

Мадриднинг “Реал” клуби Европа Чемпионлар лигаси (ЕЧЛ) плей-офф босқичида “Манчестер Сити”га қарши сафардаги ғалабадан сўнг (3:2) Хосеп Гвардиола бошчилигидаги “шаҳарликлар”га қарши сафар ўйинларида статистик муваффақиятга эришди. Бу ҳақда “Opta Sport” хабар берди.

Манбага кўра, “қироллик клуби” бутун ўйин давомида дарвоза томон 20 та зарба йўллади, бу эса мадридликлар учун “Этиҳад”да испаниялик мутахассиснинг шогирдлари билан ўйинлар тарихидаги энг яхши натижа ҳисобланади.

Шунингдек, Мадрид клуби “Манчестер Сити” стадионидаги ўзининг тарихдаги биринчи ғалабасини расмийлаштирди. “Реал” “Сити”га ўзаро ўйинлардаги ғалабалар сони бўйича ҳам тенглашиб олди. Охирги ўйиндаги муваффақият “Реал”нинг “Сити” устидан қозонилган 4-ғалабаси бўлди. “Манчестер Сити” ва “Реал” ўртасидаги 5 та ўйинда клублар муроса йўлини танлаган.

Эслатиб ўтамиз, аввалроқ “Реал” ЕЧЛдаги 300-ғалабасини тантана қилгани ва бу борада турнирнинг мутақ рекордчисига айлангани хабар қилинганди.