“Real Madrid” penaltilar bo‘yicha top-5 ligada yetakchiga aylandi 

Kecha, 15 fevral kuni “Real Madrid” La Liga 24-tur doirasida “Real Sosedad”ga qarshi o‘yinda ikkita penalti amalga oshirdi. Bu orqali Madrid jamoasi top-5 ligada eng ko‘p penalti amalga oshirgan jamoaga aylandi. Bu haqda “Opta” xabar berdi.

Manba ma’lumotlariga ko‘ra, bu Madrid jamoasining La Ligadagi ushbu mavsumdagi 12- va 13-penaltilari bo‘lib, ularni bu ko‘rsatkich bo‘yicha Yevropaning eng yaxshi beshta ligasi orasida mutlaq yetakchiga aylantirdi. 

Ushbu penaltilardan madridliklarning braziliyalik futbolchisi Vinisius Junior unumli foydalanib, jamoasining 4:1 hisobidagi g‘alabasiga hissa qo‘shdi.

“Qirollik klubi”dan keyin bu ro‘yxatda hozirgacha to‘qqizta penalti amalga oshirgan holda Germaniyaning “Bavariya” jamoasi bormoqda. 

Eng yaxshi 5 talikning to‘liq ro‘yxati:

• “Real Madrid” – 13 ta penalti;
• “Bavariya” – 9 ta penalti;
• “Mayns 05” – 8 penalti;
• “Brentford” – 8 ta penalti;
•  “Brest” – 8 ta penalti.

Qayd etish joiz, La Liganing amaldagi rekordi 2015-2016 yilgi mavsumdan beri “Barselona”ga tegishli hisoblanadi. O‘shanda kataloniyaliklar chempionat davomida 19 ta penaltini amalga oshirgan.