“Реал Мадрид” Ла Лиганинг энг қиммат жамоасига айланди.

“Transfermarkt” портали Ла Лига футболчиларининг трансфер нархларини янгилади. Янгиланган трансфер нархларидан сўнг Мадриднинг “Реал” клуби Испаниядаги энг қиммат жамоага айланди.

Ихтисослаштирилган футбол сайти футболчиларнинг бозор қиймати янгилаганидан сўнг, мадридликлар таркибини 1,4 миллиард еврога баҳолаган. Бу кўрсаткич “Реал Мадрид” ни Испаниянинг енг қиммат жамоасига айлантирди. “Барселона” жамоасининг таркиби 1,11 миллиард евро билан иккинчи, “Атлетико Мадрид” клубининг таркиби эса 624 миллион евро билан учинчи ўринда қайд этилди.

Рейтингда тўртинчи ўринни 370 миллион еврога баҳоланган “Атлетик Бильбао” эгаллаган бўлса, бешинчи ўринда 284 миллион евролик таркибга эга “Вильярреал” жойлашган.

Айни дамда Испания Ла Лигасининг энг қиммат футболчиси Ламин Ямаль бўлиб турибди. 

“Transfermarkt” портали 18 ёшли футболчининг трансфер нархини 200 млн еврога баҳоламоқда. Ундан кейинги ўринларда “Реал Мадрид”нинг икки ўйинчиси Килиан Мбаппе ва Жуд Беллингем турибди. Уларнинг ҳар иккаласининг нархи 180 миллионга баҳоланган.

Маълумот учун, Испания Ла Лигасининг 2024-2025 йилги мавсум якунида “Барселона” жамоаси чемпионликни қўлга киритган эди.  “Реал Мадрид” клуби иккинчи, “Атлетико Мадрид” эса учинчи ўринда якунлаган эди.