“Реал Мадрид” келаси мавсум катта қийинчиликларга дуч келади – Беллингем

Англиялик футболчи Жуд Беллингем “Реал”даги муҳитдан мамнун. Бу ҳақда у “Sky Sports” нашрига берган интервьюсида айтиб ўтди. 

“Реал”далигимдан завқланяпман. Мен бу жамоада ўйнашни ёқтираман. Буюк футболчилардан кўп нарса ўрганаман. “Реал Мадрид” келаси мавсумда катта қийинчиликларга дуч келади. “Реал”да энг яхши футболчилар жамланган. Мадридга келиш қарорини иккиланишларсиз қабул қилганман. “Милан” билан ҳам, “Манчестер Юнайтед” билан ҳам муносиб ўйин ўтказдим. Мен шу ритмни сақлаб қолишни истайман”, дейди Беллингем.

20 ёшли Беллингем шу ёзда Дортмунднинг “Боруссия”сидан 103 миллион евро эвазига “Реал”га ўтди. Футболчи янги клуби билан 2029 йилнинг ёзига қадар шартнома имзолаган. Ҳозирча бу мавсум оралиғидаги энг қиммат трансфер ҳисобланади.

Эслатиб ўтамиз, Беллингем “Реал”нинг МЮга қарши ўртоқлик ўйинида клуб сафидаги дебют голини урди. Испан ва инглиз клуби ўртасидаги баҳс 2:0 ҳисобида “қаймоқранглилар” фойдасига ҳал бўлган.