“Реал” Холанд трансферидан ҳам умид узмаяпти
Спорт
−
11 Январь 2300
Мадриднинг “Реал” клуби “Манчестер Сити”нинг норвегиялик ҳужумчиси Эрлинг Холандни сотиб олиш имкониятини ўрганмоқда. Бу ҳақда As хабар берди.
“Реал Мадрид” агар жамоа ПСЖ ҳужумчиси Килиан Мбаппе билан шартнома имзолай олмаса, Холанд вариантини кўриб чиқади. Агар Мбаппе “Реал”га ўтиш қарорини кечиктирса, Мадрид клуби бор эътиборини Холандга қаратади.
Холанднинг ўзи ҳам Мадрид суперклубига ўтишга қарши эмас.
Маълумот учун, Холанд “Манчестер Сити”да 2022 йилдан буён ўйнаб келмоқда. Футболчининг клуб билан шартномаси 2027 йилгача мўлжалланган.
Жорий мавсумда 23 ёшли норвегиялик футболчи Англия чемпионатида 15 та ўйин ўтказиб, 14 та гол урди ва 4 та голли узатмани амалга оширди. Футболчининг трансфер қиймати 180 миллион еврога баҳоланмоқда.
Live
Барчаси
