Расман: Жошуа кимга қарши жанг қилиши маълум бўлди
Спорт
−
07 Июль 2023 4239
Супероғир вазнли боксчи Энтони Жошуа навбатдаги жангини Диллиан Уайтга қарши ўтказади. Мазкур жанг 12 август куни Буюк Британия пойтахти Лондон шаҳридаги “О2 Arena”да марказий тўқнашув мақомида ўтказилади.
Бу жанг Буюк Британиялик боксчи Диллиан Уайт учун реванш жанги ҳисобланади. У 2015 йили бўлиб ўтган дастлабки тўқнашувда ҳамюрти Энтони Жошуага муддатидан олдин мағлуб бўлган эди.
Маълумот учун, Жошуа проф боксдаги фаолияти давомида 28 та жанг ўтказиб, 25 марта ғалабага эришган ва 3 марта мағлубият аламини тотиб кўрган. Унинг рақиби Уайт эса 32 та жангда иштирок этган ҳамда Жошуа каби 3 та баҳсда мағлубиятга учраган.
Жошуа сўнгги жангини жорий йилнинг 1 апрель куни Жермейн Франклинга қарши ўтказиб, зафар қучган. Қизиқ томони Уайт ҳам охирги жангида (2022 йилнинг 26 ноябрида) Франклин билан тўқнаш келиб, ғалабага эришган.
Live
Барчаси
