Расман! Мартинелли “Ал-Ҳилол”га ўтди 

Бразилиялик футболчи Габриэл Мартинелли Англиянинг “Арсенал” клубидан Саудия Арабистони Про-лигасида тўп тепадиган “Ал-Ҳилол” жамоасига ўтди. Бу ҳақда Саудия клуби матбуот хизмати маълум қилди.

Қанот ҳужумчиси билан тўрт йиллик шартнома имзоланди. “The Athletic” нашрининг хабар беришича, “Арсенал” Мартинеллининг трансфери учун 70 миллион евро олади. Бу лондонликлар клуби тарихидаги энг қиммат сотувга айланди. Аввалги рекорд 2017 йилдан бери Алекс Окслейд-Чемберленнинг “Ливерпульь”га трансферига тегишли эди. “Transfermarkt” маълумотларига кўра, мерсисайдликлар футболчини 38 миллион еврога сотиб олган.

Маълумот учун, 25 ёшли Мартинелли 2019 йилнинг ёзидан бери “Арсенал” сафида тўп тепиб келаётган эди. У жамоа таркибида жами 278 та учрашувда майдонга тушиб, 62 та гол урди ва 36 та голли узатмани амалга оширди.

Бразилиялик футболчи “Арсенал” билан 2026 йилда Англия Премьер-лигаси чемпиони бўлди, 2020 йилда Англия кубогини қўлга киритди ҳамда 2026 йилда Чемпионлар лигаси финалига чиқди.