Путиннинг ўт очишни тўхтатиш ҳақидаги баёноти умидли, аммо тўлиқ эмас – Трамп

АҚШ Президенти Дональд Трамп Россия Президенти Владимир Путиннинг Украинада мумкин бўлган ўт очишни тўхтатиш ҳақидаги баёноти “кўп нарсани ваъда қилишини”, аммо “тўлиқ эмас”лигини айтди. Бу ҳақда у кеча, 13 март куни Вашингтонда НАТО Бош котиби Марк Рютте билан бўлиб ўтган матбуот анжуманида сўз очди.

“Агар Путин Жиддадаги музокаралардан сўнг АҚШ ва Украина томонидан билдирилган таклифга рози бўлмаса, бу умидсизликка сабаб бўлади. Якуний келишувнинг кўплаб тафсилотлари аллақачон муҳокама қилинган. Энди Россия иштирок этадими, кўрамиз. Акс ҳолда, бу бутун дунё учун жуда умидсиз дам бўлади”, деди Трамп 

У ўт очишни тўхтатиш таклифини Путин билан шахсан муҳокама қилмоқчи эканини айтди. АҚШ Президенти ўзининг Яқин Шарқ бўйича махсус вакили Стив Уиткоффнинг Россиядаги музокараларига ҳам тўхталиб, унинг тараққиётидан мамнунлигини билдирди.

“Эшитишимизча, улар яхши кетмоқда”, деди Трамп.

Шу билан бирга, Президент якуний натижа олинмагунча бу ҳеч нарсани англатмаслигини айтди.

Эслатиб ўтамиз, аввалроқ Путин Украинада маълум шартлар асосида ўт очишни тўхтатиш таклифига рози эканлигини маълум қилганди. Унинг айтишича, ушбу тўхташ узоқ муддатли тинчликка олиб келадиган ва инқирознинг асосий сабабларини бартараф этадиган бўлиши керак.