Путин ва Трамп Аляскада. Бироқ яккама-якка учрашув бўлмайди

АҚШ Президенти Дональд Трамп ва Россия Президенти Владимир Путин Аляскада саммит ўтказиш учун Анкорижга етиб борди.

Дастлаб Трампнинг самолёти, кейин еса Путиннинг самолёти қўнди улар бирин-кетин самолётдан тушди.
Президентлар ўртасидаги яккама-якка учрашув бўлиши керак эди. Бироқ у бўлмайдиган бўлди. Оқ уйнинг маълум қилишича, бунинг ўрнига “учга-уч” шаклида музокаралар бўлиб ўтади. Америка вакиллари сифатида Трамп билан бирга Давлат котиби Марко Рубио ва Президентнинг махсус вакили Стивин Уиткофф иштирок этади.

Пентагон раҳбари Пит Ҳегсет, Молия вазири Скотт Бессент ва Савдо вазири Говард Лютник Россия билан кенгайтирилган икки томонлама учрашув ва тушликда саммитга қўшилади.

Россия томонидан “учга-уч” форматдаги Трамп билан музокараларда Путин билан бирга Ташқи ишлар вазири Сергей Лавров ва Президент ёрдамчиси Юрий Ушаков иштирок этади.

Тарихий учрашувни “QALAMPIR LIVE” каналида жонли кузатиб боринг.