Путин Украинанинг фақат бир қисми билан қаноатланмайди – Боррель

Европа Иттифоқининг Ташқи ишлар бўйича олий вакили Жозеп Боррелнинг фикрича, Россия Президенти Владимир Путин урушни тўлиқ ғалабагача давом эттиришга қарор қилган. Бу ҳақда у “The Guardian” нашрига берган интервьюсида айтди. 

“Путин Украинанинг фақат бир қисмига эга бўлиб, қолган қисми Европа Иттифоқига тегишли бўлган вазиятдан қаноатланмайди. Унинг чекланган ҳудудий ғалабадан кўнгли тўлмайди. Путин урушни тўхтатмайди, айниқса Америка сайловлари олдидан... Бу унга янада яхшироқ сценарийни бериши мумкин. Шунинг учун биз узоқ вақт давом этадиган юқори интенсив можарога тайёр бўлишимиз керак”, дейди Боррель.

Унинг фикрича, Путин ўз армиясининг кучи ва Украинанинг қаршилик кўрсатиш имкониятлари ҳақида адашган.

“У Европа Иттифоқининг иродаси ҳақида нотўғри гапирган эди. Иттифоқ ҳали ҳам шу ерда. У ҳали ҳам жанг қилишга, ўз халқининг ўлимига, армияси ва халқининг азобланишига тайёр, чунки унинг орқага йўли йўқ”, дея хулоса қилган Боррель.

Европа дипломатияси раҳбарининг фикрича, Россия аҳолиси ҳеч қачон халқ бўла олмайди, у ҳар доим подшоҳ билан, советлар билан, ҳозир эса Путин билан империя бўлган.

Эслатиб ўтамиз, Германиянинг Россиядаги элчиси Александр Ламбсдорфф Россия Президенти Владимир Путин Украинага қарши урушга муносабатини ўзгартирмаганини ва музокараларга умуман содиқ эмаслигини айтиб ўтганди.