Путин икки кунлик шифокор кўригидан ўтишини айтди (видео)

Россия Президенти Владимир Путин ҳар йили кенг қамровли профилактик тиббий кўрикдан ўтишини, хусусан бу сафар 2 кунлик шифокор кўригидан ўтишини маълум қилди. Бу ҳақда у “Россия 1” телеканали эфирида сўз очди.

12 июнь куни Россия раҳбари Кремлда Давлат мукофотларини топширди ва маросимдан сўнг лауреатлардан бири, офтальмолог-жарроҳ Георгий Столяренко билан суҳбатлашди. Президент билан суҳбатда, унинг соғлиғини муҳокама қилар экан, шифокор “ҳатто энг яхши машина ҳам техник кўрикдан ўтиши кераклигини” таъкидлади. Путиннинг сўзларига кўра, давлат раҳбари тиббий кўрикдан ўтишга икки кун вақт ажратади.

“Биз мунтазам равишда техник кўрикдан ўтамиз. Ҳар йили бизда текширув ўтказилади, мен бунга икки кун бағишлайман”, деди Путин шифокорнинг гапларига жавобан.

Давлат раҳбарининг жавоби акс этган кадрларни “Россия 1” журналисти Павел Зарубин эълон қилди.

Эслатиб ўтамиз, аввалроқ Туркия раҳбари Эрдўғаннинг соғлиғи ёмонлашгтани ҳақида хабарлар тарқалганди. Мамлакатнинг Алоқа бошқармаси ҳузуридаги Дезинформацияга қарши кураш маркази Президентнинг соғлиғи ёмонлашгани ҳақидаги даъволарни рад этди.