Путин Россия ва Украина ўртасидаги девор ҳақида мақола ёзди 

Олам 7018
image
-

Бугун, 12 июль куни Россия Президенти Владимир Путиннинг “Руслар ва украинларнинг тарихий бирлиги” номли мақоласи эълон қилинди. Ушбу мақола нусхаси Россия Президенти сайтига жойлаштирилган.

Қуйида унинг энг муҳим нуқталарига тўхталиб ўтамиз:

  • руслар ва украинлар бир халқ, бир бутундир;
  • сўнгги йилларда икки халқ ўртасида пайдо бўлган девор — бизнинг ҳар хил даврларда йўл қўйган хатоларимиз ва ҳамжиҳатлигимизга путур етказишга интилган кучларнинг мақсадга мувофиқ ишлари натижаси;
  • руслардан айро украин халқи ҳақидаги ғоялар Польша элитаси ва кичик рус зиёлиларининг бир қисми орасида пайдо бўлди. Сўнгра XIX аср охиридан бошлаб Австрия-Венгрия ҳукумати ушбу мавзуни илиб олди;
  • бугун Украинани тўлиқ ташқи назорат остига берганлар 1918 йилда Киевдаги ҳукмрон режим учун бундай қарор ўлимга олиб келганини эслашлари керак;
  • совет миллий сиёсати — буюк руслар, кичкина руслар ва беларуслар учлиги ўрнига давлат даражасида учта алоҳида славян: рус, украин ва беларусь халқлари тўғрисидаги низомни ўрнатди;
  • замонавий Украина — бу совет даврининг болачаси. Бунинг учун XVII асрда мамлакат қайси ҳудудлар билан Россия давлатига қўшилгани ва Украина ССР қайси ҳудудлар билан Совет Иттифоқидан чиқиб кетганини таққослаш кифоя;
  • албатта, бир халқнинг бир қисми ривожланиш жараёнида ўзини алоҳида миллат каби ҳис қилиши мумкин, бунга ҳурмат билан қараш керак;
  • Украина зиёлилари ўз мамлакатининг ўтмишини инкор қилиб, мустақиллигини асослашга қарор қилди. Улар тарихни қайта ёзишни бошлади, натижада бизни бирлаштирган ва бугунги кунда ҳам яқинлаштирадиган барча нарсалар, авваламбор рус тили ҳужумга учради;
  • Киевга Донбасс керак эмаслигига тобора кўпроқ амин бўлмоқдаман;
  • Украина геосиёсий ўйинга жалб қилинди. Бундан мақсад уни Россияга қарши майдонга айлантириш эди. “Украина Россия эмас” тушунчасини қабул қилиб бўлмайдиган вақт келганда “Россияга қарши” тушунчасини ўйлаб топишди;
  • биз ҳеч қачон тарихий ҳудудларимиз ва у ерда яшайдиган одамларни Россияга қарши ишлатилишига йўл қўймаймиз.

Эслатиб ўтамиз, Россия Президенти аввалги мақоласида Украинадаги сиёсий инқирозда Европа ва АҚШни айблаганди.

Фаррухжон Муродқулов
Мақолага баҳо беринг
Баҳолаганлар: 283
Рейтинг: 2.9
t
×