Путин президентлик пайтида суд қилинмайди – “Euronews”

Ғарб давлатлари Украинага қарши босқинда айбдорларни жиноий жавобгарликка тортиш учун уларнинг рўйхатини тузмоқчи бўлган Гаага трибунали Владимир Путин Россия Президенти бўлиб қолар экан, уни сиртдан суд қилмайди. Бу ҳақда “Euronews” хабар берди.

Ушбу жараёндан хабардор икки европалик расмийнинг нашрга маълум қилишича, худди шу қоида Россия Бош вазири Михаил Мишустин ва Ташқи ишлар вазири Сергей Лавровга ҳам тааллуқли бўлади.

“Бу юқори мартабали амалдорларни жиноий жавобгарликка тортиш фақат айбланувчилар суд залида жисмонан ҳозир бўлган тақдирдагина йўл қўйилади, бу Россиянинг Украинага бостириб киришини жиноят сифатида тан олмаслиги ва Ғарб билан ҳамкорликка кескин қарши эканини ҳисобга олсак, бу даргумон”, дея ёзади нашр.

Шу билан бир қаторда, сиртдан суд жараёни Путин президентлик лавозимини тарк этгандан кейингина ўтказилиши мумкин. Шартлар Европа Кенгаши доирасида Страсбургда жойлашган инсон ҳуқуқлари бўйича махсус трибунал ташкил этиш учун ҳуқуқий асос бўладиган келишув лойиҳасида баён этилган. Ташкилот Европа Иттифоқининг бир қисми эмас, лекин блок жараёнда фаол иштирок этмоқда.

Евроиттифоқ вакилининг таъкидлашича, сиртдан суд жараёнидаги чекловлар мамлакатлар ўртасидаги муросада кўрилади. Киев келишувни имзолагач, матн ташкилотга кирувчи 46 давлат вакилларини жамлаган Европа Кенгаши Парламент Ассамблеясида овозга қўйилади. Имзолаш жорий йилнинг 9 май куни Европа кунига тўғри келадиган Киевда бўлиб ўтиши керак, аммо аниқ муддат сиёсий маъқуллашга боғлиқ бўлади.

Шартномани ратификация қилиш учун кўпчиликнинг учдан икки қисми талаб қилинади, бу ташаббус аъзо давлатлар ўртасида кенг қўллаб-қувватлангани туфайли амалда кафолатланади.

Россияга дўстона муносабатда бўлган баъзи давлатлар, масалан, Венгрия ва Сербия бетараф қолиши ёки қарши овоз бериши мумкин, аммо индивидуал ветолар қўйилмайди.

Канада, Австралия, Янги Зеландия ва Япония каби қитъадан ташқаридаги демократик давлатлар ташаббусга қўшилиб, унинг қонунийлигини ошириши кутилмоқда.

Россия билан яқинлаша бошлаган АҚШнинг унда иштирок этиши даргумон. Жо Байден маъмурияти даврида мамлакат Украинада адолат излашни қўллаб-қувватлаган, бироқ Дональд Трамп инаугурациясидан кейин эътибор ўзгарган. Қўшма Штатлар март ойининг охирида ядро гуруҳи йиғилишида иштирок этмади. Трампнинг тинчлик келишувига интилиши суд жараёнига қандай таъсир қилиши номаълум.