ПСЖ “Реал”нинг шартларини қабул қилмоқчи
Спорт
−
27 Июль 2023 9616
Франциянинг ПСЖ клуби яқин вақт ичида Килиан Мбаппенинг “Реал”га ўтишига рози бўлади. Бу ҳақда “Marca” хабар берди.
Манбага кўра, ПСЖ Мбаппенинг “Реал”га ўтиши бўйича келишувни якунлаш учун испан клубининг барча шартларини қабул қилишга тайёр.
Мадрид клуби Мбаппенинг нархини клублар ўртасидаги алоқалар учун махсус ёлланган воситачи орқали билиб олади. Парижликлар бу масалани имкон қадар тезроқ ёпиш ниятида.
ПСЖ “қироллик клуби”дан 230 миллион евро сўрайди. Франция клуби бу пулнинг бир қисмини Мбаппенинг бонусини тўлаш учун ишлатмоқчи.
Эслатиб ўтамиз, аввалроқ “Ал-Ҳилол” Мбаппе учун курашдан чиққани маълум бўлганди. Саудия клуби энди эътиборини “Наполи” аъзоси Виктор Осимхенга қаратмоқчи.
