ПСЖ Икардидан воз кечишга тайёр
Спорт
−
10 Декабрь 2021 2936 1 дақиқа
ПСЖ ҳужумчиси Мауро Икарди яқин вақт ичида жамоани тарк этиши мумкин. Бу ҳақда италиялик журналист-инсайдер Николо Скира хабар берди.
Аргентиналик форвард бош мураббий Маурисио Почеттино ватандошини ўз режаларига киритмаган, парижликлар раҳбарияти эса футболчини қишки трансфер ойнасидаёқ сотишга тайёр.
Шу билан бирга, 28 ёшли ҳужумчи эса 2022 йилнинг январь ойида жамоани ўзгартиришни истамайди ва мавсум охиригача Париж клубида қолишни афзал кўради.
Бироқ Икардига номи ошкор қилинмаган Англия премьер лигасининг икки клуби қизиқиш билдираётгани айтиб ўтилган.
Эслатиб ўтамиз, Мауро Икардининг рафиқаси ва агенти Ванда Наранинг фикрига кўра, агар жуфтлик ажрашган тақдирда Икарди футболчилик фаолиятини якунлашини маълум қилган эди.
Маълумот учун, Икарди жорий мавсумда ПСЖ сафида барча турнирларда 17 та ўйин ўтказиб, 3 та гол урган.
