Президентлик сайлови ўтган деб ҳисобланиши учун етарлича сайловчилар овоз берди – МСК
Жамият
−
24 Октябрь 2021 5725
Ўзбекистонда президент сайлови ўтган, деб ҳисобланиши учун етарлича сайловчилар овоз бериб бўлди. Бу ҳақда Марказий сайлов комиссияси маълум қилди.
Соат 11:00 га қадар умумий сайловчиларнинг 6,6 миллион нафари ёки 33 фоиздан зиёди овоз берган.
“Ўзбекистон Республикаси президенти сайлови тўғрисида”ги қонунга кўра, сайлов, агар унда сайловчилар рўйхатига киритилган сайловчиларнинг 33 (ўттиз уч) фоизидан ками иштирок этган бўлса, ўтмаган деб топилади.
Маълумот учун, Марказий сайлов комиссияси жами 21,2 млн сайловчини рўйхатга олган.
Ҳозиргача Ўзбекистон Президентлигига номзодлар – Шавкат Мирзиёев (ЎзЛиДеп), Алишер Қодиров (“Миллий тикланиш” демократик партияси), Баҳром Абдуҳалимов (“Адолат” социал-демократик партияси), Мақсуда Ворисова (Халқ-демократик партияси) ва Нарзулло Обломуродов (Экологик партия) ўз овозини бериб бўлди.
Live
БарчасиБухорода Ғиждувон деҳқон бозори ёнмоқда.
14 Декабрь
