Президент Оқдарёдаги янги таъмирланган мактабга борди
Жамият
−
24 Август 2023 7284
Бугун, 24 август куни Ўзбекистон Президенти Шавкат Мирзиёев Самарқанд вилоятига сафари доирасида Оқдарё туманидаги жорий йилда капитал таъмирдан чиқарилган 32-умумтаълим мактабини кириб кўрди. Бу ҳақда Президент Матбуот хизмати хабар берди.
Президент мактабда яратилган шароитлар билан танишди ва ёзги тўгаракка келган болалар билан суҳбатлашди.
“Биз олий таълимда қамровни кенгайтириб боряпмиз. Лекин ҳамма ҳам университетда ўқишни танламайди. Шунинг учун фарзандларимизга мактабдаёқ чет тиллари ва ҳунарлар ўргатишни мақсад қилганмиз. Кимнинг кичкина бўлсаям қўлида касби бўлса, куни ўтади. Кейин яна ўз устида ишлаб, маҳоратини ошириши ҳам мумкин. Мақсадимиз – ҳар бир ёшга муносиб шароит яратиш”, деган Президент.
Шавкат Мирзиёев шу ерда ўқитувчилар ва меҳнат фахрийлари билан ҳам мулоқот қилган.
Live
Барчаси
