Пойтахтда 3 та машина тўқнашди
3-саҳифа
−
20 Июль 2023 3994
Пойтахт Тошкентнинг Учтепа туманида 3 та машина иштирокида йўл-транспорт ҳодисаси содир бўлди. Бу ҳақда Тошкент шаҳар ИИБ Йўл ҳаракати хавсизлиги бошқармаси матбуот хизмати хабар берди.
Келтирилишича, ЙТҲ кеча, 19 июль куни соат 22:00 ларда Учтепа тумани Ширин кўчасида юз берган. Жумладан, 2002 йилда туғилган фуқаро М.Ш. бошқарувидаги Nexia-3, 1993 йилда туғилган Б.З. га тегишли Cobalt ва 2003 йилда туғилган О.А. нинг Matiz русумли автомобиллари ўртасида тўқнашув содир бўлган.
ЙТҲ оқибатида Nexia-3 русумли автомашина ҳайдовчиси олган тан жароҳатлари сабабли шифохонага ётқизилган.
Ҳозирда ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
