Польша АҚШдан 38 та Abrams танкини олди

Польша АҚШдан 38 та Abrams M1A2 танки ва 14 та техник хизмат машинасини қабул қилиб олди. Бу ҳақда мамлакат Мудофаа вазири Владислав Косиняк-Камиш Х тармоғидаги саҳифасида маълум қилди.

Унга кўра, бу Польшанинг зирҳли қўшинлари учун энг йирик денгиз орқали етиб келган партиялардан бири бўлиб, яқин орада ушбу техникалар қўшинлар ихтиёрига топширилади. 

Қайд этиш жоиз, 2022 йилнинг февралида Польша АҚШ билан 250 та Abrams M1A2 SEPv3 танкини сотиб олиш бўйича келишувга эришган, 2023 йил январида эса қўшимча равишда 116 та Abrams танки харид қилинган.

Маълумот учун, Abrams M1A2 АҚШ ишлаб чиққан асосий жанговар танк бўлиб, у 120 миллиметрлик силлиқ ўқ отувчи тўп билан қуролланган. Унинг оғирлиги 62 тоннадан ортиқ, максимал тезлиги эса соатига 67 километрни ташкил этади. Танк газ трубинали двигатель билан жиҳозланган ва кучли зирҳ ҳамда замонавий ҳимоя тизимларига эга. Шунингдек, Abrams M1A2 электрон бошқарув ва жанг майдонини назорат қилиш тизимлари билан таъминланган.

Эслатиб ўтамиз, аввалроқ Австралия Россияга қарши урушда Украинани ҳарбий жиҳатдан қўллаб-қувватлаш мақсадида Abrams танкларини етказиб бергани ҳақида хабар берилганди.