Почеттино ПСЖ етакчиси кимлигини айтди

Спорт

−

06 Январь 2021 visibility7901 timer1 дақиқа

ПСЖнинг янги бош мураббийи Моурисио Почеттино Неймарнинг жамоадаги етакчилиги ҳақидаги саволга жавоб берди. Бу ҳақда “Sports” нашри ёзмоқда.

“Неймар [жароҳатдан кейин] жамоа билан машғулотларни бошлаганида, энг яхши даражадаги ўйинини намойиш қилиши учун биз унга мақбул позицияни топамиз”, дейди мураббий.

Шунингдек, Почеттино тактик схемалар ҳақида гапиришни ёқтирмаслигини қўшимча қилиб, жамоа ажойиб ўйин кўрсатиши ҳамда Неймардан бошқа футболчилар ҳам юқори даражада ҳаракатланиши устида ишлаётганини таъкидлаган.

“Жамоада ҳамма етакчи. Етакчилик салоҳияти турлича намойиш қилиниши мумкин. Кийим алмаштириш хонасидами ёки майдонда, фарқи йўқ, жамоада қанча етакчи кўп бўлса, клуб учун шунча яхши бўлади”, дейди Почеттино.

Мақола муаллифи