Пезешкиён қирғизистонлик болаларга 100 евродан совға қилди (видео)

Бугун, 31 август куни Эрон Президенти Масъуд Пезешкиён “Манас” халқаро аэропортида ўзини кутиб олган ва қор барси кўринишидаги юмшоқ ўйинчоқ тақдим этган болаларга миннатдорлик билдирди. Бу ҳақда “24.kg” хабар берди.

Қайд этилишича, Эрон раҳбари ҳар бир болага конверт топширган. Кейинчалик конвертлар ичида 100 евродан борлиги маълум бўлган.

Маълумот учун, қор барси Қирғизистоннинг миллий рамзи ва VI Бутунжаҳон кўчманчилар ўйинларининг расмий тумори ҳисобланади.

Масъуд Пезешкиён Бишкекка ШҲТнинг юбилей саммити, “ШҲТ плюс” форматидаги учрашув ва Кўчманчилар ўйинларининг очилиш маросимида иштирок этиш учун ташриф буюрган. 

Эслатиб ўтамиз, аввалроқ Ўзбекистон Республикаси Президенти Шавкат Мирзиёев Шанхай ҳамкорлик ташкилотига аъзо давлатлар раҳбарлари кенгашининг навбатдаги йиғилиши ҳамда “ШҲТ плюс” форматидаги учрашувда иштирок этиш учун рафиқаси ҳамроҳлигида Бишкек шаҳрига боргани ҳақида хабар берилган эди.