АҚШ разведкаси Эрон таҳдидлари кучайганидан огоҳлантирди

World

−

image

Эрон томонидан АҚШ фуқароларига нисбатан таҳдидлар сезиларли даражада ошган. Бу ҳақда АҚШ Миллий разведкаси директори Жей Клейтон кеча, 18 ноябрь куни Вакиллар палатасининг Миллий хавфсизлик қўмитасида ўтказилган эшитувларда маълум қилди.

Клейтоннинг айтишича, Эрон томонидан АҚШ ҳудудида ҳам, мамлакат ташқарисида ҳам америкаликларга қарши ҳужум уюштириш хавфи ортган. Унинг таъкидлашича, хорижда хизмат қилаётган америкаликлар билан бир қаторда АҚШ ичидаги фуқаролар ҳам аввалгидан кўпроқ таҳдид остида қолмоқда.

“Биз Эроннинг АҚШ ичида ва ташқарисида ўлим билан якунланиши мумкин бўлган ҳужум режаларини аниқлаш, уларнинг олдини олиш ва уларга қарши курашишга содиқмиз”, деган разведка директори.

“Reuters” агентлигининг қайд этишича, Эрон АҚШ ва Исроилнинг февраль ойида мамлакатга қарши бошлаган қўшма зарбаларига жавобан Америка ҳарбий кучлари ҳамда унинг минтақадаги иттифоқчиларига ҳужум қилиш билан таҳдид қилган. Ҳарбий зарбалар орадан саккиз ойдан кўпроқ вақт ўтганига қарамай давом этмоқда.

Бундан ташқари, Клейтон ўтган ой “Reuters” билан танишган махфий ҳужжатда Эрон АҚШ ходимларини нишонга олишга қаратилган ҳаракатларини кучайтирганини билдирган. Теҳрон томонидан Америка фуқароларига қарши ўлим билан якунланиши мумкин бўлган ҳужум режалари “илғор босқичга” етгани ҳам қайд этилган.

АҚШ Давлат котиби Марко Рубио эса 18 ноябрь куни бу хабарга муносабат билдирар экан, мамлакат пойтахтига нисбатан яқин орада юз бериши мумкин бўлган таҳдид бор деб ҳисобламаслигини айтган. Президент Дональд Трамп эса бир кун аввал Эрон томонидан эҳтимолий ҳужум уюштирилиши ҳақидаги хавотирлар жиддий қабул қилинаётганини билдирган.

Эслатиб ўтамиз, аввалроқ Эрон ҳукумати билан алоқалари бўлган покистонлик эркак АҚШ Президенти Дональд Трамп ва бошқа америкалик сиёсатчиларга суиқасд уюштириш режасидаги иштироки учун 27 йилу 6 ойга озодликдан маҳрум этилган эди.


Rate Count

0

Rating

3

Rate this article

Share with your friends