Пандемия туфайли 32 миллиондан кўп одам қашшоқликка дуч келади

Олам

image

Коронавирус пандемияси туфайли кам ривожланган мамлакатларда 32 миллиондан ортиқ одам ўта қашшоқликка дуч келиши мумкин. Бу ҳақда Бирлашган Миллатлар Ташкилотининг Савдо ва тараққиёт бўйича конференцияси ҳисоботига таяниб хабар берилган. 

Ҳисоботда таъкидланганидек, инфекциянинг тарқалиши давлатларнинг иқтисодий ривожланиш истиқболларига жиддий таъсир кўрсатган. 

Энг оғир зарба эса энг кам ривожланган мамлакатлар иқтисодиётига тушган.

Ташкилотнинг ҳисоб-китобларига кўра, кунига 1,9 доллардан кам пул ҳисобига яшайдиган одамлар сони 3 фоизга ўсиб, 35,2 фоизни ташкил этган. 

"Бу шуни англатадики, кам ривожланган мамлакатларда 32 миллиондан ортиқ одам ўта қашшоқликда яшайди", дейилган ҳисоботда.

Шунингдек, Африка мамлакатлари ва кичик орол давлатларига энг кучли иқтисодий зарар етиши аниқланган. 

Сўнгги маълумотларга кўра, дунёда 65 миллиондан кўп одамда коронавирус касаллиги қайд этилган, 45,3 миллион киши соғайган, 1,5 миллион бемор вафот этган.


Мақола муаллифи

Теглар

коронавирус пандемия

Баҳолаганлар

22

Рейтинг

2.9

Мақолага баҳо беринг

Дўстларингиз билан улашинг