“Пахтакор” ОЧЛда тарихий натижа қайд этди

Спорт 12302
image

Кеча, 26 апрель куни футбол бўйича Осиё Чемпионлар лигаси гуруҳ босқичининг 6-тури доирасида ўтказилган учрашувда “Пахтакор” Саудия Арабистоннинг “Ат-Таъвун” клуби устидан 5:4 ҳисобида ғалаба қозонди.

Ушбу ғалаба орқали “шерлар” Осиё Чемпионлар лигасидаги ғалабалари сонини 50 тага етказиб олди. Қайд этиш жоиз, “Пахтакор” 49-ғалабасини ҳам “Ат-Таъвун”га қарши ўйинда қўлга киритган. Ундан сўнг кетма-кет Қатарнинг “Ад-Дуҳайл” ва Эроннинг “Сепахон” клубига имконият бой берилди.

“Пахтакор” ОЧЛда 50 та ғалабага эришган 4-жамоага айланди. Бунга қадар фақат “Ал-Иттиҳод” (50), “Чонбук Моторс” (66) ва “Ал-Ҳилол” (74) Осиё чемпионлар лигасида 50+ ғалаба кўрсаткичини қайд этган.

Маълумот ўринида, ОЧЛда "Д" гуруҳида иштирок этган “Пахтакор” 6 очко тўплади ва гуруҳ босқичидаёқ мусобақа билан хайрлашди. Чемпионлар лигасида қатнашаётган яна бир ўзбек клуби “Насаф” эса бугун, 27 апрель куни соат 22:15 да “Ал-Виҳдат”га қарши кечадиган учрашувда йирик ҳисобда мағлуб бўлмаса, мусобақанинг гуруҳ босқичини ижобий натижа билан якунлаши мумкин.

Маъруф Абдумаликов

.
Мақолага баҳо беринг
Баҳолаганлар: 531
Рейтинг: 3
Теглар
t
×