Озарбайжон-Арманистон ўртасида яна отишма. Қурбон бор

Арманистон Қуролли кучлари Озарбайжон Калбажар вилояти томонга қарата ўқ узди. Бу ҳақда мамлакат Мудофаа вазирлиги хабар бермоқда. 

“Арманистон қуролли кучлари бўлинмалари давлат чегарасининг Калбажар участкасида навбатдаги провокацияни амалга оширди. 

9 декабрь куни соат 15: 00 атрофида арман ҳарбий қисмлари Басаркечеяр вилояти йўналишидаги жанговар позициялардан Озарбайжон армиясининг Калбажар вилоятидаги позицияларини ўққа тутди”, дейилади хабарда. 

Қайд этилишича, армиянинг бу йўналишда жойлаштирилган бўлинмалари томонидан тегишли чора-тадбирлар амалга оширилган. Операцион вазият бўлинмалар томонидан назорат қилинмоқда.

Расмиу Бакуга кўра, 8 декабрь куни тунда Арманистон Қуролли кучлари томонидан содир этилган навбатдаги провокация натижасида Озарбайжон-Арманистон давлат чегарасининг Калбажар йўналишида Асиф Адил ўғли Алиев ҳалок бўлган. 

Янги юзага келган кескинлик учун бутун жавобгарлик Арманистон ҳарбий-сиёсий раҳбариятига юклатилган.